အစ္စရေးနိုင်ငံပေါ်ထွန်းလာခြင်း

အစ္စရေးနိုင်ငံပေါ်ထွန်းလာခြင်း

ယနေ့အစ္စရေး

အစ္စရေးနိုင်ငံသမိုင်းကြောင်းသည် သမ္မာကျမ်းစာအား သွေဖည်ဆန့်ကျင်ခြင်းမရှိဘဲ ကျမ်းစာပရောဖက်ပြုချက်နှင့် တညီတထပ်တည်း ဖြစ်ပျက် တည်ရှိနေပါသည်။ ဓမ္မဟောင်းကျမ်းတွင် နောက်ဆုံးသောကာလ၌ ပြန်လည်တွေ့ကြမည့် ဤလူမျိုးအတွက် ပရောဖက်ပြုချက် (၁၂)ချက်ရှိသည်။ ဤအတွက်ကြောင့်ပင် နောက်ဆုံးသောကာလကို လေ့လာရာ၌ အစ္စရေးနိုင်ငံနှင့် ယင်းလူမျိုးမှာ မဖြစ်မနေစောင့်ကြည့်ရမည့် အချင်းအရာ တစ်ရပ်ဖြစ်လာသည်။ အစ္စရေးသမိုင်းသည် အလွန်စိတ်ဝင်စားစရာကောင်းပေသည်။ ယနေ့ အစ္စရေးနိုင်ငံ၏ ဖြစ်ပျက်ပြောင်းလဲသမျှသည် ကျမ်းစာနှင့်အညီ ဖြစ်ပျက်ပြောင်းလဲနေခြင်းဖြစ်ကြောင်း သိသာထင်ရှားလှသည်။

ယေဇကျေလ ပရောဖက်ပြုချက်

နောက်ဆုံးကာလ မြင်ကွင်းကို လွန်ခဲ့သောနှစ်ပေါင်း ၂၆၀၀ ခန့်က ပရောဖက် ယေဇကျေလ ဟောပြောခဲ့သည်။ ထိုကာလတွင် ပရောဖက်ပြုချက်ဟူသမျှသည် အစ္စရေးလူမျိုး၌ ပြည့်စုံစွာ ဖြစ်ပျက်လာမည်ဟု ဆိုသည်။ ခရစ်တော်ဘုရား လူ့လောကသို့ ပြန်လည်ကြွလာ၍ ရှင်ဘုရင်အဖြစ် အုပ်ချုပ်စိုးစံမည် ယေဇကျေလ ဟောပြောခဲ့ပါသည်။

"အတိုင်းတိုင်း အပြည်ပြည်သို့ ငါကွဲပြား ပြန့်လွှင့်စေပြီ။ သူတို့ကျင့်ကြံ ပြုမူသည့်အတိုင်း ငါစီရင်ပြီ၊ အကြောင်းမူကား သင်တို့ကို အတိုင်းတိုင်း အပြည်ပြည်တို့က ငါခေါ်ခဲ့၍ စုဝေးစေပြီးလျှင် သင်တို့နေရင်းပြည်သို့ ပို့ဆောင်မည်" (ယေဇ ၃၆း ၁၉-၂၄)

ဘုရားသခင်က အစ္စရေးလူမျိုးအား ကမ္ဘာအရပ်ရပ်သို့ အနှံ့ပြန့်လွင့်စေမည်။ ပြီးနောက် ပြန်လည်စုစည်းစေသောကာလသည် နောက်ဆုံးကာလ ဖြစ်သည်။ ထိုကျမ်းစကား မှန်ကန်ကြောင်း မျက်မှောက်ကာလတွင် ကြည့်သောသူတို့ မြင်တွေ့ ကြရသည်။ အေဒီ ၇၀ ခုနှစ်တွင် ရောမတို့က ယေရုဆလင်ကို တိုက်ခိုက်ဖျက်ဆီးသောကြောင့် ယုဒလူများ ကမ္ဘာအနှံ့သို့ ထွက်ပြေး ပြန်ကျဲခဲ့ကြသည်။ ထွက်ပြေးလွင့်ပါးရသည်။ မရှိမဲ့ ရှိမဲ့ ယုဒလူများကို ဟစ်တလာက နှိပ်ကွပ်သောအခါ သေကြေကြေပြန်သည်။ နှစ်ပေါင်း ၁၈၀၀ ခန့်မျှ တိုင်းတပါးသားများက အုပ်စိုးကြသော်လည်း က္ကုသရေလတို့၏ လူမျိုး၊ ဘာသာ၊ ယဉ်ကျေးမှုသည် တိမ်မြုတ်ပျေက်ကွယ်သွားခြင်း မရှိ။ အစ္စရေးနိုင်ငံ ပြန်လည် ထူထောင်လာကြသောအခါ ယခင်အတိုင်း ပိုနေမြဲ ကျားနေမြဲ ရှိနေသည်။ အံ့သြဘွယ် နမိတ်လက္ခဏာ မဟုတ်ပါသလော။ ယေဇ ၃၆း၂၄ ကျမ်းချက်ပြည့်စုံခြင်း ဖြစ်သည်။

ဂျူးလူမျိုး ပြန်လည်စုစည်းမည့် အကြောင်းကို ပရောဖက် ဟေရှာယက ဤသို့ရေးသားသည်။

"မစိုးရိမ်နှင့်၊ ငါသည် သင်တို့နှင့်အတူရှိ၏၊ အရှေ့အရပ်မှ သင်တို့အမျိုးအနွယ်တို့ကို ငါဆောင်ခဲ့သည်။ အနောက်မျက်နှာမှ သင့်ကို စုသိမ်းမည်။ မြောက်မျက်နှာကို အပ်လော့ ဟု၎င်း၊ တောင်မျက်နှာကို မထိန်ချန်နှင့် ဟု၎င်း..."

၎င်းသည် အစ္စရေးလူမျိုးများ ယေရုဆလင်တွင် ပြန်လည်စုစည်းကြမည့်အကြောင်းဖြစ်၏။ တခါက စာရေးသူကိုယ်တိုင် အစ္စရေးဗိုလ်ချုပ်တစ်ဦးနှင့် စကားလက်ဆုံကျခဲ့သည်။ ထိုဗိုလ်ချုပ်ကလည်း နောက်ဆုံးသောကာလသို့ အမှန်ပင်ချဉ်းနင်းဝင်ရောက်နေပြီဖြစ်ကြောင်း ၀န်ခံစကား ပြောကြားခဲ့ပါသည်။

၁၉၄၈ခုနှစ်တွင် အစ္စရေးနိုင်ငံကို ပြန်လည်တည်ထောင်စဉ်၌ ပထမဦးဆုံး ပြန်လည်ရောက်ရှိလာသူများမှာ တရုပ်ပြည်မှ အစ္စရေးများဖြစ်သည်။ ထိုသူများ နောက်တွင် ဥရောပအရပ်ရပ်မှ ဂျူးများ ထပ်မံရောက်ရှိလာကြသည်။ ရုရှားနိုင်ငံမှ ဂျူးများက အခွင့်ရရှိဖို့ စောင့်မျှော်နေကြရသည်။ ထိုဂျူးများရောက်ရှိလာပြီးနောက် မိုးဇက်စစ်ဆင်ရေးဖြင့် အီသီယိုပီးယား (အဲသယောပိ) မှ ဂျူးများကို လေယဉ်ကြီးများဖြင့် ခေါ်ဆောင်ရောက်ရှိလာကြသည်။ ထိုသို့ အရပ်လေးမျက်နှာမှအစ္စရေးများ ပြန်လည်စုစည်းခြင်းသည် ဟေရှာယ၏ ပရောဖက်ပြုချက် ပြည့်စုံလာခြင်းဖြစ်သည်။

ကမ္ဘာအရပ်ရပ်သို့ အကွဲကွဲအပြားပြား ပြန့်လွင့်စင်သွားပြီးမှ ပြန်လည်စုစည်းခြင်းသည် ဘုရားသခင်၏ စကားတော်မှန်ကန်ကြောင်း သက်သေဖြစ်သည်။ ဗာဗုလုန် သို့မဟုတ် တိုင်းတပါးသို့ ဖမ်းဆီးခြင်းခံရရာမှ ပြည်တော်ပြန်ဝင်ခွင့်ရရှိကြခြင်းမျှသာ ပရောဖက်ပြုချက် ပြည့်စုံခြင်းမဟုတ်သေး၊ လု ၂၁း ၂၄ တွင် ...

"သူတို့သည် ဓားဘေးဖြင့် ပျက်စီးခြင်းသို့ ရောက်ကြလိမ့်မည်။ တစ်ပါးအမျိုးသားတို့သည် မိမိတို့အချိန်ကာလ မပြည်စုံမှီတိုင်အောင် ယေရုဆလင်မြို့ကို ခြေဖြင့်နင်းကြလိမ့်မည်" ဟု ခရစ်တော်ကိုယ်တိုင် ပြောထားသည်။ ထိုစကားသည် အစ္စရေးနိုင်ငံအား တိုင်းတစ်ပါးသား လက်အောက်သို့ ကျရောက်မည့်အကြောင်းဖြစ်၏။

ယေရုဆလင် ပျက်သုန်း၍ ယုဒလူများ ဖမ်းဆီခြင်း ခံရသည့်အချိန်ရှိသကဲ့သို့ ယေရုဆလင်တွင် ပြန်လည်စုစည်းကြရမည့် ခရစ်တော်၏ စကားတော် (ပရောဖက်ပြုချက်) သည် ပြန်လည်စုဝေးခြင်း တစ်ခုတည်းသာ ဆိုလျှင် ပြီးပြည့်စုံပြီဟု မဆိုသာသေးပါ။

၁၉၄၈ခုနှစ်တွင် အစ္စရေးနိုင် ပြန်လည်ထူထောင်ခြင်းထက် ကြီးကျယ်ခမ်းနားသော အဖြစ်အပျက် ရှိသေးသည်။ ၁၉၆၇ ခုနှစ်တွင် ဂျူးတို့သည် ယေရုဆလင်ကို ပြန်လည်သိမ်းပိုက် အုပ်စိုးနိုင်ခဲ့ပေသည်။ ဘုရားသခင်၏ အနာဂတ္တိ စကားများသည် မလွဲမသွေ ဧကန်အမှန်ချည်းသာ ဖြစ်သည်။

ပရောဖက် ယေဇကျေလက အခြားနိမိတ်ပြုထားသည်။ သင်္ဘောသဖန်းပင် အသက်ပြန်ရှင်သကဲ့သို့ က္ကုသရေလ လူများ နောက်ဆုံးကာလ၌ ပြန်လည်ရှင်သန်လာကြမည့်အကြောင်း တစ်မျိုး၊ တစ်ဘာသာ ပရာဖက်ပြုထားသည်။ ပြည်တော်လွမ်းစိတ်ဖြင့် "ထိုအခါ သူ့တပါးတို့က အရင်စွန့်ပစ်သော ဤမြေသည် ဧဒင်ဥယျာဉ်ကဲ့သို့ ဖြစ်လေပြီ။ သုတ်သင်ပယ်ရှင်းပျက်စီးသော မြို့တိုသည်လည်း ခိုင်ခံ့၍ မြို့သစ်နှင့် ပြည့်စုံကြမည်" (ယေဇ ၃၆း ၃၅) ဟု ဟောကိန်းထုတ်ခဲ့သည်။

ပရောဖက်ပြုချက် အဓိပ္ပါယ်ရှင်းပါသည်။ သဲကန္တာရလွင်ပြင် က္ကုသရေလမြေသည် ဧဒင်ဥယျာဉ်ကဲ့သို့ စိမ်းလန်းစိုပြေလာလျှင် နောက်ဆုံးသော ကာလသို့ ရောက်ပြီဟု မှတ်သားခိုင်းသည်။

ယေဇကျေလ၏ ပရောဖက်ပြုချက် ပြည့်စုံပုံတို့ကို ၁၉၈၇ခု၊ စက်တင်ဘာလ ၇ ရက်နေ့ထုတ် Saturday Evening Post စာမျက်နှာ ၄၈၊ ၂၉ ၌ "အံ့ဘွယ် အစားအစာ" ဟူသော ခေါင်းစဉ်ပါ သတင်းတွင် တွေ့နိုင်သည်။

"သဲကန္တာရထဲက အစ္စရေးတို့၏ အံ့ဘွယ်အစားအစာ" ဟု ခေါင်းစဉ်တပ်၍ "သဲနှင့် ဆားငံရေမှ အစာအဟာရဖြစ်ထွန်းပုံ" ရေးသားထားသည်။ အမှန်စင်စစ် သဲကန္တာရသည် စိုက်ပျိုးမြေမဟုတ်။ လူနေအပ်သောအရပ်မဟုတ်။ ရပ်ပြစ်ရှစ်ပါး အ၀င်မြေမျိုး ဖြစ်သည်။ ယခုမူ ထိုကန္တာရမြေပေါ်တွင် လူသန်းပေါင်းများစွဖြင့် စည်ကားသိုက်မြိုက်စွာ နေထိုင်လျှက်ရှိကြသည်။ လယ်ဧကပေါင်းများစွာ ထွန်ယက်စိုက်ပျိုးကြသည်။

အစ္စရေးတို့၏ စိုက်ပျိုးရေးဖက်၌ အောင်မြင်ဖြစ်ထွန်းပုံကို ထိုစာစောင်ထဲတွင် တ၀တပြဲ ဖတ်ရှုရသည်။ သူတို့သည် သဲကန္တာရ စိုက်ပျိုးရေးနည်းသစ်ကို တီထွင်ကြသည်။ သီးနှံစိုက်ပျိုးပင်များကို ဆားငံရေ လောင်းကြသည်။ ထိုဆားငံရည်သည် ရေချိုထက် ဆားဓါတ် အဆ (၂၀) ပိုမိုပါဝင်သည်။ ကန္တာရမြေပေါ်တွင် ဆားငံရေလောင်း၍ စိုက်ပျိုးသီနှံဖြစ်ထွန်းအောင်မြင်ခြင်းမှာ မယုံနိုင်စရာဖြစ်သည်။ နားရှိ၍သာ ကြားသည်။ မယုံချင်ကြ။ သို့ကြောင့် ထူတိုင်းတွေ့မြင်ချင်ကြသည်။ ဖြစ်ထွန်းအောင်မြင်မှုများကို အဝေးမှ လှမ်းမြင်နိုင်သည်။ မယုံနိုင်သဖြင့် စာရေးသူကိုယ်တိုင် လက်တွေ့ကွင်းဆင်းပြီး သွားရောက်လေ့လာခဲ့သည်။

လယ်သမားများ၊ စိုက်ပျိုးရေးသမားများ၊ တစ်နှစ်သုံးသီး စိုက်ပျိုးကြကြောင်း တွေ့ရသည်။ ဖရဲ၊ အာလူး၊ ခရမ်း၊ ငရုတ်၊ စွန်ပလွန်၊ ဘူးသီးနွယ် နှင့် ထောပတ်သီးများ လှိုင်လှိုင် ဖြစ်ထွန်းကြောင်း တွေ့မြင်ရသည်။ ဥရောပ ဈေးကွက်သို့ တင်ပို့ရောင်းချကြရသည်။ တစ်ဧကလျှင် အသီးအနှံ တန် (၆၀) မျှ ထွက်သည်။ နှစ်စဉ် နှစ်တိုင် ၄ဆမှ ၆ဆ အထိ အတိုးထွက်နှုန်းကောင်းသည်။ ဤဆောင်းပါးအဆိုအရဆိုလျှင် ယေဇကျေလ၏ ပရောဖက်ပြုချက် ပြည့်စုံလာနေကြောင်း သက်သေထူနေပါသည်။

အမေရိကန်သည် အစ္စရေးသဲကန္တာရမြေ၏ စိုက်ပျိုးသီးနှံဖြစ်ထွန်းအောင်မြင်မှုကို အားရ သဘောကျ၍ လိုက်လုပ်ကြည့်သည်။ သို့သော် မအောင်မြင်ပါ။ ထိုအကြောင်းကို ၁၉၉၀ခုနှစ် ဇွန်လ ၁၉ရက်နေ့ထုတ် The Newyork Times စာမျက်နှာ ၆-၉ တွင်ရေးသားထားသည်။ သစ်ပင်များကို ဆားငံရေ ခက်ခဲစွာ လောင်းကြပါသည်။ အစ္စရေးတို့နည်းဟန်အတိုင်း မတိမ်းမစောင်း လိုက်လောင်းကြသော်လည်း မအောင်မြင်ကြပါ။

၁၉၈၈ခုနှစ် အောက်တိုဘာလ အစ္စရေးစာစောင်တွင် မက်မုံသီး၊ ဆီးသီး၊ တရုပ်ဆီးသီး၊ နတ်သြဇာ၊ ချယ်ရီသီး အစရှိသည့် ရာသီ သီးနှံများ ဘုန်းဘောလအော ဖြစ်ထွန်းပုံရေးထားသည်။ ဥရောပ ဈေးကွက်သို့ လက်မလည်အောင် တင်ပို့နေရသည်။ ထိုစာစောင်ထဲတွင် သစ်သီးဝလံများသာမက ပန်းမာလ် များလည်း တင်ပို့ရကြောင်း ရေးသားထားသည်။

ဂျာမဏီ၊ အင်္ဂလန်၊ ပြင်သစ်နှင့် ဟောလန်တိုင်းပြည်များသို့ ရောင်းချရသည်။ ပန်းပေါသော ထိုတိုင်းပြည်များသို့ အစ္စရေးပန်းများ ဈေးကွက်တိုးဝင်နိုင်ခြင်းမှာ ယုံရခက်ကြီးဖြစ်သည်။

အစ္စရေးနိုင်ငံ၊ ဟင်းသီးဟင်းရွက် သစ်သီးဝလံတို့ မိခင်တိုင်းပြည်ဖြစ်ရခြင်းမှာ ယုံကြည်သူခရစ်ယာန်များအတွက် အံ့သြစရာ မဟုတ်ပေး အဘယ့်ကြောင့်ဆိုသော် ရှေးပဝေသဏီကပင် ပရောဖက်ပြုချက် ရှိခဲ့ပြီးဖြစ်သည်။

"နောင်ကာလ၌ ယာကုပ်သည် အမြစ်ကျလိမ့်မည်။ က္ကုသရေလသည် စိမ်းလန်း အဖူးအငုံထွက်သဖြင့် လောကနိုင်ငံကို အသီးနှင့်ကြည့်စေလိမ့်မည်" (ဟေရှာ ၂၇း၆)ဟု ဟောကိန်းထုတ်ထားသည်။

တနေ့သောအခါ အစ္စရေး သဲကန္တာရမြေမှ ကမ္ဘာအနှံ့သို့ ပန်းမာလ် တင်ပို့မည့် ပရောဖက်ပြုချက်သည် လူ့အတွေးတွင် ယုံရခက်လှသည်။ ဖြစ်နိုင်ဖွယ်မရှိ၊ သေးငယ်သော အစ္စရေးမြေသည် ကမ္ဘာ့တိုင်းပြည်ကြီးများ၏ "မုန့်တောင်း" ဖြစ်မည့်အကြောင်း အမှန်တကယ် ပရောဖက်ပြုချက် ရှိခဲ့ပါသည်။ နိုင်ငံတကာ ဈေးကွက်တွင် အမှန်တွေ့နေရသည်။ စာရေးသူသည် လွန်ခဲ့သော နှစ်အနည်းငယ်က ဥရောပနိုင်ငံများသို့ အလည်အပတ်ရောက်ခဲ့ရာ ဈေးကွက်၌ အစ္စရေးပြည်မှ တင်ပို့ထားသော သီးနှံများ တောင်ပုံ၊ ယာပုံ တွေ့ခဲ့သည်။

ကမ္ဘာ့ သစ်သီးဝလံ တင်ပို့ရောင်းချသော တိုင်းနိုင်ငံအနက် အစ္စရေးနိုင်ငံသည် ဒုတိယနေရာလိုက်နေသည်။ သမ္မာကျမ်းစာ၏ ပရောဖက်ပြုချက် မှန်ကန်တိကျမှုကား အံ့ဖွယ်ကောင်းပေစွ။

လွန်ခဲ့သော အနှစ် (၂၀) မှစ၍ အစ္စရေး၏ စိုက်ပျိုးသီးနှံ ပို့ကုန်များကို လေ့လာလျှင် သဲကန္တာရ စိုက်ပျိုးရေးအကြောင်း ပိုမို၍ စိတ်ဝင်စားသွားမည်။ သဲကန္တာရကို ဧဒင်ဥယျာဉ်သဖွယ် ပြောင်လဲစေသော ဘုရားသခင်၏ ကတိတော်စကားသည် မှန်ကန်သည်ကို အခိုင်အမာ ထောက်ခံပါသည်။

"ထာဝရဘုရား မိန့်တော်မူသည်ကား၊ လယ်ထွန်သောသူသည် စပါးရိတ်သောသူကို၎င်း၊ စပျစ်သီးနယ်သောသူသည် မျိုးစေံကြဲသူကို၎င်း မှီလျှက်၊ တောင်တို့မှ ချိုသောစပျစ်ရည်ယို၍ ကုန်းရှိသမျှတို့သည် အရည်ဖြစ်ရသော ကာလရောက်လိမ့်မည်။ သိမ်းသွားခြင်းကို ခံရသော ငါ၏လူ က္ကုသရေလအမျိုးသားတို့ကို တဖန် ငါဆောင်ခဲ့သဖြင့် သူတို့သည် ပျက်စီးသောမြို့များကို ပြုပြင်၍ နေကြလိမ့်မည်။ စပျစ်ဥယျာဉ်များ စိုက်၍ စပျစ်ရည်ကို သောက်သုံးကြလိမ့်မည်။ လယ်ယာများကို ပြုစု၍ အသီးတို့ကို စားရလိမ့်မည်။" (အာ ၉း၁၃-၁၄)

စိုက်ပျိုးသောသူသည် ရိတ်သိမ်းသောသူကို မှီလိမ့်မည်ဟု ပရောဖက်ပြုထားချက် ရှိနေသည်။ စာရေးသူသည် ခရစ်တော်ကျင်လည်ခဲ့ရာ အစ္စရေးမြေသို့ အခေါက်ပေါင်း (၄၀)ကျော်မျှ သွားရောက် လေ့လာ သုတေသနပြုခဲ့သည်။ တနှစ်၌ လယ်သမားများထံသို့ သွားရောက်လည်ပတ် လေ့လာရာ၊ ထိုနှစ်အတွင်းတွင် သီးထပ် (၆)ကြိမ် စိုက်ပျိုးပြီး၍ (၇)ထပ်မြောက် မျိုးစေ့ ကြဲကြောင်းတွေ့ရှိသဖြင့် အလွန်အံ့အားသင့်မိသည်။ အစ္စရေးမြေနှင့် ပတ်သက်၍ ရှေးရာစုနှစ်ပေါင်းများစွာက အနာဂတ္တိစကားများသည် အမှန်တကယ် ပြည့်စုံလာချေပြီ။ ဘုရားသခင် ဂတိတော် ထားရှိခဲ့သည့်အတိုင်း အစ္စရေးမြေပေါ်တွင် စိုက်ပျိုး၍ သီးနှံသစ်သီးဝလံများ ဖြစ်ထွန်းအောင်မြင် စည်ပင်ဝပြောနေပြီ တကား။

မျှော်လင့်ခြင်းရောင်ခြည် @ Life Of Hope Magazine Vol.3 (Published in Yangon 2010) မှတဆင့်ဖေါ်ပြသည်။
ဆက်သွယ်ရန်။ စောစံအောင် lightofhope.elc@gmail.com

မုရန်မဂ္ဂဇင်းမှ ကူးယူဖော်ပြသည်။